Quartararo a kal fal zel

MotoGP British Grand Prix tlan zawh takah Fabio Quartararo a chak ber a, bike intlansiakna sang ber season kal laiah point 181 hmuin championship hmahruaitu a nihna a sawhnghet chhunzawm zel.

Yamaha rider Quartararo hian hnehna chang turin Spanish duo Alex Rin leh Aleix Espargaro te hmaah a thleng a - Espargaro vang hian Aprilia Racing Team chuan a vawi khat nan MotoGP podium an lawn.

Kum 22 mi Quartararo hian pathumna aṭangin bul a ṭan a, a tirah second thum velin hniam hret mah se a insiamṭha nghal a, tun season chhunga vawi nga a chakna tur hian harsatna a tawk chhunzawm lo.

Silverstone tlangkawnga inelna neihah hian pakhatna aṭanga parukna thlengin team hran vek an ni. MotoGP tih a nih hnuah British Grand Prix-ah chuan hetiang result hi a awm vawi khatna a ni a, team ṭha fal awm loin an inel tawk hlawm hle tihna a ni.