Pakhatna atan Verstappen an puang

Ruah sur nasa lutuk vangin Formula 1 Belgian Grand Prix neih mumal theih a ni lo a, safety car awm chungin lap hnih bak an tlan lo - qualifying lama che ṭha ber Max Verstappen chu chaka puan zui a ni.

Pathianni zana inelna neih tur hi a hunah pawh an ṭan thei lo, ruah sur vangin darkar chanve in an ṭan tlai a, ṭum hnih ngawt bul ṭan ṭhat leh tum mah se an duh angin thil a tih theih ta lo, thuneitu lamin huaisen takin thu an ti tlu chhunzawm.

Red Bull driver Verstappen hi pakhatna nihtir mah se, point erawh inelna danga pakhatna in an hmuh ṭhin chanve chauh an pe. Max ang bawkin midang pawhin an point hmuh tur chanve zel chauh an hmu ve bawk.

Car intlansiakna sang berah a vawi 100 nan Lewis Hamilton-a'n hnehna chan a tum a, mahse a beiseina chu ruah vangin a thamral rih. Mercedes driver hi pathumna dinhmun luahtir a ni a, point 7.5 a hmu.

Championship lamah Hamilton hian point 202.5 hmuin hma a la hruai zel, pahnihna Verstappen nen an inthlauhna erawh point hnih chauh a nih avangin champion tur a chiang lo takzet; season dang zawng aiin inelna a hautak chhunzawm dawn niin a lang.