World number 2 a tla

Hmeichhe tennis world number 2 Caroline Wozniacki chu Indian Wells fourth round aṭanga vuak tlak a ni. Wozniacki hian world number 1 nih theihna hun ṭha a neih chu hmang ṭangkai zo loin Daria Kasatkina lakah 6-4 7-5 in a chak lo.

Russian nula Kastatkina hian a service hmasa 11 zinga 10 zet a vaw fuh thei lo a, bul a ṭan chhe hle. Mahse, hnehna chang tur hian vawi 20 ngawt winners a vaw chhuak thei leh thung a ni - kumina a vawi hnih nan Wozniacki a hneh.

World number 1 ni lai Simna Halep erawhin China nula Wang Qiang chu 7-5, 6-1 in a hneh. Kar leha ranking thar a chuah hunah pawh Romanian star Halep hi number 1 a nih chhunzawm zel dawn tih a chiang tawh.

Inkhel dangah Grand Slam vawi hnih champion tawh Angelique Kerber chuan 6-1, 6-1 in Caroline Garcia a hneh a, German nula hian Wozniacki hnehtu Kasatkina a hmachhawn leh ang.

Kum 30 mi Kerber hi tun season chhunga player hmuhnawm leh khel ṭha berte zinga mi a ni mek. WTA match 16 a khelh tawh zinga 16-ah hnehna a chang thei a ni.

Hmeichhe player rinkai zingah Serena Williams a tla tawh a, Czech Pliskova leh Venus Williams te chuan quarterfinal an in vaw kai tawh thung.