Santosh Trophy 2018 : Kolkata-ah Mizoram football team

Mizoram football team chuan nimin khan Santosh Trophy khel turin inelna neihna hmun Kolkata an thleng. Nilai zing khan Mizoram team hian Lammualah training hnuhnung ber an nei a, manager Hmingthansanga chuan, "Inelna hmachhawn turin kan inpeih tawh," tiin Vanglaini a hrilh.

Santosh Trophy vawi 72-na hi March 19 leh April 1 chhungin Kolkata, West Bengal-ah khelh a ni dawn a, Mizoram hian an match hmasa berah Goa chu March 20 hian an hmachhawn ang.

Mizoram hi Group B-ah Punjab, Goa, Odisha leh Karnataka te nen an awmho a, nikum khan Lalsangzuala Hmar kaihhruai team hian semifinal-ah champion zui ta West Bengal chu penalty-ah an hneh lo. Santosh Trophy-ah Mizoram hian kum 2014-a nomawi an chawi hnuah final an la thleng leh lo a, kum 2015 khan H. Vanlalthlanga hoin champion nawn tum mah se semifinal-ah Punjab lakah penalty hmangin an chak lo.

Mizoram manager Hmingsanga chuan, "Qualifier kan khel zo a, harsatna vangin kan player ṭhenkhat kan chhawr thei lo. Kum dang zawng aiin kan squad a pan deuh turah kan ngai hman a, amaherawhchu Mizoram Police player chhawr theih an nih leh takah chuan ka ṭha thawkhat viau a ni. Training kan nei ṭha a, nomawi rawn hawn ngei kan tum ang," tiin Mizo mipui lawmna siam ngei an tum thu a sawi.

Mizoram Squad
# Hming Club Veng/Khua
Goalkeeper
1 Andrew Lalhmingliana Mizoram Police FC Armed Veng
2 Lalṭanpuia Ralte Mizoram Police FC Ramhlun North
Defender
3 Hmingthanmawia Chhinga Veng FC Bethlehem VT
4 PC Laldinpuia Bethlehem VT FC Bethlehem VT/Samthang
5 Lalmuanawma Chanmari FC Vengthlang 'N' Champhai
6 K. Lalmalsawma Bethlehem VT FC Bethlehem VT
7 C. Zomuanpuia Mizoram Police FC Chhinga Veng/Bulfekzawl
8 Lalrinchhana Tochhawng Chhinga Veng FC Chanmari/Mamit
Midfielder
9 Lalnuntluanga Bethlehem VT FC Bawngkawn
10 Lalromawia Chanmari West FC Samlukhai
11 Ṭhasiama Chanmari FC Tuikual 'S'
12 Lalmuanzova Chanmari FC Armed Veng/Kanhmun
13 Lalrammawia Bethlehem VT FC Bethlehem VT/Sawleng
14 Lalramtharmawia Mizoram Police FC Hualngohmun
15 V. Lalṭanpuia Mizoram Police FC Electric Veng/Tlungvel
16 Lalbiakhlua Mizoram Police FC Electric Veng/Keifang
Forward
17 Lalremruata Ramhlun North FC Tuikual North
18 MS Dawngliana Chhinga Veng FC Bawngkawn
19 MC Malsawmzuala Chanmari FC Bawngkawn/Siaha
20 F. Lalrinpuia Mizoram Police Republic Veng
Note : Club hi MPL6-a an khelhna club dah a ni.
Coaching Staff
Head Coach Lalsangzuala Hmar Melthum
Asst Coach Anand Gurung Tanhril
Physio Eddie Zorinmawia Zotlang
Manager Hmingthansanga Chhinga Veng
Technical Director R. Lalramzauva Chawnpui