Arrows inlan hun a thleng
Indian Super Cup qualifier chu vawiinah khelh chhunzawm a ni dawn a, tlai dar 5:00-a inkhel hmasa zawkah Mumbai City leh Indian Arrows an inkhel ang a, zan dar 8:00-ah ATK leh Chennai City an inkhel thung ang.
Mumbai City-in ISL-ah pasarihna nichungin season an khar a, an hmachhawn tur Indian rawlthar ṭha rual awmkhawmna Indian Arrows hi I League table mawngphaha awm an ni thung.
Maharashtra club-in an Mizo neihchhun Lalchhawnkima chu Aizawl FC lamah loan-in an khelh tir a, Indian Arrows lamah Edmund Lalrindika leh Lalengmawia an awm thung.
ATK leh Chennai City-ah Mizo an awm lo a, Kolkata club hian I League-a Aizawl FC an champion ṭuma player pawimawh Jayesh Rane leh Ashutosh Mehta te an kawl thung.