English club-in UCL semifinal an lut dawn

Nimin khan UEFA Champions League quarterfinal draw chu Nyon-ah neih a ni a, champion tura rinkai ber Barcelona chu pawh chhuah hmasa ber niin Roma nen pawh fuh an ni.

UCL champion lai Real Madrid nikuma nomawi chawi tura an hneh Juventus an hmachhawn dawn a, Mancheser United hnehtu Sevilla chuan vawi nga champion tawh Bayern Munich an hmachhawn ang.

A tawpah club pahnih hming a bang a, Liverpool leh Manchester City te chu hming la bang niin quarterfinal-ah a inhmachhawn dawn tihna a ni a, semifinal-ah English club an inlan dawn tih a nemnghet bawk.

Nikum September thla khan Etihad Stadium-ah City-in Reds hi 5-0 in an sawp a, kumin January thla khan Liverpool-in Anfield-ah 4-3 in an hneh let a, hei vang hian English club pahnih inkhel tur hian ngaihven a hlawh sawt dawn.

Quarterfinal first leg hi 3-4 April-ah khelh a ni ang a, second leg hi 10-11 April ah khelh a ni thung ang.