NECS Cup Chhinga Veng an tla

XTECH-NECS Cup 2018 aṭangin Chhinga Vengin an tla a, champion lai tan hian semifinal-ah hmun a awm lo. Nimin khan Ramhlun South-in R. Lalthanmawia goal hnih hmangin Chhinga Veng an hneh a, group A aṭanga semifinal lut tawh Chanmari chungah invawrh chhoin hmahruaitu an ni.

Group B-ah Lengpuiin Bawngkawn hneh mah se Aizawl khaw pawn team beiseina chu nimin match hnuhnung ber tawp rualin a tawp nghal a, a chhan chu Electric Vengin Vanlalhmangaiha goal hmangin Venghlui an hneh. Semifinal hi March 20, Thawhlehni hian khelh a ni khelh a ni dawn a, group A hmahruaitu Chanmariin Bawngkawn an hmachhawn ang a, group B pakhatna Ramhlun South leh Electric Veng ten final khel tur an zawng bawk ang.

Nimin match hmasa berah Lengpui tan F. Lalremsanga'n minute 18-naah goal hmahruai a khung a, chuai thei lo Rohmingthanga'n minute hnih hnuah khung belh leh bawkin Bawngkawn chu 2-0 in an hneh a, inkhelh zawh hian Aizawl khaw pawn team hi pahnihna an ni. Amaherawhchu point li hmu tawh Electric Vengin match hnuhnung berah point thum an hmuh belh a, hmahruaitu an nih phah bawk.

NECS Cup semifinal-ah football ngaina veng pali an lut a, ṭantu thei ṭha tura theihna an neih vek avangin inelna a hlut phah sawt ang.