MotoGP season ṭanna tur Qatar

Qatar rama tlankawng lar tak Losail chu season thara MotoGP inelna an neih ṭanna tur a ni dawn. MotoGP thawhpui Dorna-in an tarlan dan chuan inelna hi March 6-ah tlan tur a ni ang.

MotoGP season thar calendar tur hi ruahman a ni leh tawh, mahse thuneitu sang International Motorcycling Federation lamin an pawmpui hma chuan puan vek theih a ni lo a, hri leng vangin inelna ṭhenkhat chu ṭhulh leh a hun sawn a la awm thei dawn bawk.

Season thar inbuat-saihna chu January thla tawp leh February thlatir lamah hian Sepang, Malaysia-ah an nei ang. He hmunah hian team leh rider ten zalen takin enchhinna hun an hmang dawn a ni.