Halep leh Venus an tla

BNP Paribas Open champion tura rinkai Simona Halep leh Venus Williams ten semifinal an paltlang zo lo. Naomi Osaka leh Daria Kasatkina ten nizan khan nomawi an inchuh a, he thu buatsaih lai hian result kan hre hman lo.

Inrinni inkhelah world number 1 Halep hi seeded pawh ni phak lo Osaka lakah 6-3, 6-0 in a tlawm. World number 44 Osaka hian hnehna chang turin darkar khat leh minute li bak a mamawh lo.

Semifinal inkhel dangah world number 19 Kasatkina pawhin world number 8 Willams chu 4-6, 6-4, 7-5 in a hneh ve bawk. Venus a hmachhawn hmain Kasatkina hian 2017 US Open champion Sloane Stephens a hneh tawh bawk.

Mipa lamah world number 1 Roger Federer-a'n harsatna nei loin final a lut, Swiss star hian nizan khan Juan Martin del Potro a hmachhawn leh a, result kan hre hman lo.