All England champion Shi Yuqi

Chinese star Lin Dan-a'n a vawi sarih nana All England Open Badminton Championship title lak a tumna chu Shi Yuqi lakah a thamral. Pathianni zan final-ah China rawlthar Shi Yuqi hian 21-19, 16-21, 21-9 in Lin Dan hi a hneh.

Birmingham-a inkhelah kum 22 mi Shi hi boruak sang tak hnuaiah pawh a talbuai duh lo a, huaisen takin nomawi a sual chhuak. Shi hian quarterfinal-ah Olympic champion Chen Long a hneh tawh bawk - Chinese legend pahnih ten an ram chhung aṭang ngeiin anmahni el phaktu an nei mek.

Hmeichhe singles lamah cham­pion lai Tai Tzu Ying chuan 22-20, 21-13 in world num­ber 1 Akane Yamaguchi a hneh, world number 1 Taiwan nula hian a nomawi kawl lai a hum­him.