Lunglei DC leh MJA-te an inkâwm

Lunglei DC Lalzarmawii chuan nimin khan a pisaah Lunglei district MJA office bearer-te lêngah a sâwm a, an district hmasawnna tura hmalakna hrang hrangte a sawipui.

Lalzarmawii chuan, mipui rorelna ram (democracy)-ah media-te an pawimawh tak zet tih sawiin, Lunglei MJA hruaitute chu mipuite rawngbawltu pawimawh tak an ni tih hre nawn leh fo turin a chah.

Lunglei DC chuan, Lunglei district MJA-te'n sorkar hmalakna hrang hrang phûr taka an ṭawiawm ṭhin avangin lawmthu a sawi a; hun lo kal zel turah district chhunga hmasawnna hna kal mek enfiahna, field visit neihpuiah a sáwm nghal a ni.

Lunglei MJA hruaitute pawhin an thil ngaih pawimawh leh mamawhte DC hnenah an thlen a, an district hmasawnna turin theihtawp chhuaha ke pên chhunzawm zel an tum thu an sawi.