Thlamuanpuia'n silver medal a la

All India Inter University Taekwondo Championship-ah  Lalthlamuanpuia chuan Male Under-29 huangah silver medal a la. Venghlui tlangval hi poomase inelnaa inlan niin, Mizoram University tana ram pum huap inelna bika medal a lak hmasa ber a ni.

Republic Vengthlang Taekwondo Club aṭanga inzir chhuak Lalthlamuanpuia hian nikum December thla khan 13th South Asian Games-ah India aiawha khelin individual-ah bronze medal a la; team inelnaah pawh gold medal an 

la bawk. Mizoram Taekwondo Association chuan an player in hlawhtlinna a chang hi an lawmpui thu an sawi. MATA hian tualchhung inelna leh inzirnate chu coronavirus vangin an khar rih mek.