PVL a hnai ta

Tualchhung volleyball inelna ngahhlut ber Pro-Volleyball League chu March 22, Ningani aṭangin R. Dengṭhuama Indoor Stadium-ah khelh ṭan a ni dawn a, April 20 zanah a hmawr bawk a ni ang.

Mizoram Volleyball Association leh LPS ṭangdunin an buatsaih inelnaah hian, team ṭha paruk - TNT, Hunthar, Anastasia, Durtlang North bakah team thar ITI Veng leh Tui-changral te an inel dawn.

Anastasia hian 2016 khan TNT hnehin nomawi an chawi a, nikum khan Hunthar Veng chuan Chhinga Veng 3-1 a hnehin champion nomawi an chawi bawk.

PVL team nilai Chhinga Veng leh Ramhlun Sporting Club te hrem an nih avangin, team pahnih tan hmun ruak a awm a, a hnawh khat turin district association hnuaia club inziak lutten playoff an khel thei a, heta ṭang hian Tuichangral leh ITI Veng an tling.