Astori hming chawiin training ground

Fiorentina chuan tun thla tira thi, an captain Davide Astori hming chawiin an training ground hming an thlak dawn.

Club chairman Mario Cognigni chuan an training ground hming tur chu 'Centro Sportivo Davide Astori' a nih tur thu Italian media a hrilh.

Italian defender hi ram tan vawi 14 a khel tawh a, March 4-a Udinese nena an inkhelh hmain hotel-ah thia chhar a ni a, post-mortem a nih hnuah lungphu chawl a ni tih an nemnghet.

Viola chuan Astori jersey hak ṭhin number 13 chu an dah ṭha a, March 8 khan Florence-ah a vuina neih a ni a, hemi ṭum hian Serie A club hrang hrang aiawh bakah Fiorentina ṭantu ṭhahnem tak an an pungkhawm a ni.