Brazil-in Spurs training ground hmang dawn

Brazil chuan Totten­ham Hotspur nen inremna an ziak a, Selecao hian Premier League club training ground hi an hmang dawn.

World Cup-a vawi nga champion tawh Brazil hian June 3 hian Croatia nen an inkhel dawn a, an inkhelhna hmun tur tihchian a la ni lo. Austria nen June 10-ah Vienna nen an inkhel leh dawn bawk a, heng inkhel pahnih inpuahchah nan hian Spurs training ground hi an hman sak ang.

Brazilian football con­federation chuan, "Tot­tenham FC nen inremna kan ziak a, May 28 aṭangin an training-na kan hman sak ang. Hetah hian gym, swimming pool, football pitch size dik pahnih leh an training centre-a hotel thar te chu kan hmang dawn a ni," tiin thuchhuah an siam.

Brazil hian March 23, Zirtawpni zan hian Russia nen friendly match an khel dawn a, Thawhṭanni aṭang khan Moscow-ah training an ṭan tawh a. Hemi zawh hian March 27-ah Germany nen friendly match an khel leh ang.