Roger Mayweather-a thi

Boxer ropui Floyd Mayweather-a putea leh a trainer ni bawk Roger Mayweather chu kum 58 mi niin a thi a, a thih chhan tak hi Mayweather chhungkaw lam chuan an puangzar lo.

 

'The Black Mamba' tia hriat lar ṭhin Roger hian kum 1980 chho khan boxing khawvelah a vanglai a lo hmang ve tawh a, WBA super featherweight champion leh WBC light welterweight champion a lo 

ni tawh. 

Boxing a khelh chhung hian vawi 72 fight a hmachhawn hman a, vawi 59 hnehna changin vawi 13 a tlawm a, a chak zingah hian vawi 35-a khingpui a knockout. Kum 1990 chawhnu lamah khan Roger hian Floyd Mayweather hi a thawhpui ṭan a, khawvela boxer ropui ber pawl Floyd-a'n vawi 50 inhnek a hmachhawna tlawm a neih lohna turin a thawh hlawk hle. 

Mayweather Promo-tions chuan thuchhuah siamin, "Roger May-weather thihna hian min ṭhawng takzet a, an chhungte kan tawrhpuiin ṭawngṭainaah kan hre reng dawn a ni," an ti. Floyd Mayweather tan 2020 hi kum duhawm a ni lo. March 11 khan a fate pathum hrin saktu Josie Harris chu car chhungah thia hmuh a lo ni tawh.