Swiss player pali inhnukdawk

Switzerland football association chuan World Cup qualifier khel tura koh zinga player pali an inhnuhdawh thu an sawi. Mario Gavranovic, Loris Benito leh Breel Embolo te hnuah Xherdan Shaqiri a inhnukdawk ve leh ta.

Inhnukdawk an awm takah chuan Nice striker Dan Ndoye chu koh leh hnuhnawh a ni. Swiss team hian Greece chu friendly match an khelhpui dawn a, chumi hnuah Italy leh Northern Ireland te nen World Cup qualifier an khel leh ang.

Liverpool aṭanga Lyon zawmtu Shaqiri chuan, "Team thar ka neih hnuah training pangngai ka la zawm lo, mimal training chauh ka la nei. Coach Murat Yakin bakah Lyon nen kan inbia a, tunah chuan inkhel turin ka la inpeih lo a, anni pawhin min hrethiam.

"Harsatna dang a awm lo a nih chuan October thlaa khelh tur World Cup qualifier-ah chuan 100% fit chungin ram tan ka inlan leh thei tawh ang," a ti. Swiss FA chuan player dang pathumte pawh hliam an neih vanga inkhel thei lo tur an nih thu an sawi.

Kum 29 mi Shaqiri hian ram tan match 96 a khelh aṭangin goal 26 a khung tawh, harsatna hran a neih loh chuan match 100 a khel tling ngei ang.