Dave King-a'n Rangers-a a share hralh tum lo

Scottish Premiership club lar Rangers chairman Dave King chuan Ibrox-a a share neih chu hralh tumna a neih loh thu a sawi a, "Ka share neih engmah hralh ka tum lo," a ti. 

Nikum November khan Rangers hian annual general meeting an nei a, he hunah hian kum nga chhung club Chairman hna lo chelh tawh King chuan a hna hi a kalsan tur thu a sawi. 

King-a ṭawngkam avang hian media ṭhenkhat chuan Rangers chairman hian an chhungkaw company New Oasis Asset Limited hminga 25.58% share a neih chu a hralh dawn niin an sawi a, sumdawng hausa tawntaw Stuart Gibson hming a ri ring hle. 

Mahse, King chuan, "AGM-a ka sawi ang khan sum hmuhna tur kan ngaihtuah dawn a, share nei lai tumahin an share neih hralh tumna an nei lo," a ti. Steven Gerrard enkawl Rangers hian November khan tun season tawp hmaa pound maktaduai 10 investment ti tur an mamawh thu an puang a, hei hi season hmasa lama pound maktaduai 11.3 an hloh vang a ni.