Inralrin a ngai - Viktor Axelsen

Viktor Axelsen chuan badminton player-te chu engtik hunah pawh inkhel thei mai tura an inpeih reng a ngai tih a sawi a, mahni awmhmun ṭheuhah taksa sawizawi ṭha turin a chah bawk.

Season hmasa khan Axelsen hi world number 1 a ni a, hliam vangin a buai - kuminah palinaah a tlahniam. Denmark tlangval chuan, "Khawvel pum kan inkharkhip a ni a, hliam leh harsatna dang nei tan chuan a lawmawm zawnga ngaihtuah theih a ni.

"Season kal laiah inelna a tam thei ang ber khelh ka tum a, ka thil tum chu tunah chuan engmah lo mai a ni mek. Badminton World Federation lam pawhin inelna 22 neih an tum chu an siksawi kual reng a ngai," a ti.

March thla khan All England Championship khelh a ni a, world number 1 hlui Axelsen hian hnehna a chang. Rio Olympic silver medal a lak hnuah All England chu a hlawhtlinna chan lian leh lawmawm a nih thu a sawi bawk.