Aizawlah Jr NBA Skills Challenge

Junior NBA Skills Challenge chu Hawla Indoor Stadium-ah March 23, Zirtawpni chawhma dar 8:00 aṭangin neih a ni dawn a, MBBA lam chuan naupang eitur hi an tum sak ang. Mizo naupang tana hun ṭha a ni tih hriain MBBA chuan kum 16 chin hnuai lam tawh phawt basketball lama tuite chu tel vek turin a sawm a ni.

Naupang thlan chhuah-te hi a thlawnin All India Level Skills Challenge nei turin Delhi-ah an thawn ang. India ram pum inelna neih zawha thlan chhuahte hi Scotland-ah a thlawnin an inzir ang a. Skills Challenge hmachhawn hrim hrim ten certificate an dawng vek bawk ang.

Skills Challenge hi India national basketball coach hlui Scott Fleming-a hoa neih a ni dawn a, ani hi tunah hian senior director of basketball development operations, NBA India hna a chelh mek.

Kum 60 mi Fleming hi India basketball coach awm tawh zinga hlawhtling ber a ni a, 2014 FIBA Asia Cup-a India-in an khawtual ngeia China an hneh ṭuma coach kha a ni.