CYMA cricket vawiinah khel ṭan dawn

Central YMA leh Cricket Association of Mizoram ṭangkawpin an buatsaih CYMA Cricket Tournament chu vawiinah khelh ṭan a ni dawn a, inkhel en tur pali a awm nghal ang.

Branch YMA te tana inelna tura buatsaih tournament-ah hian veng 33 an inlan dawn a, group pali A, B, C leh D-ah ṭhen hran niin group D-ah team pakua awmin group dang zawngah team pariat an awm thung.

Inelna hi khelmual pahnih, Durtlang khelmual leh Ramhlun Sports Complex-ah league round chu khelh phawt a ni ang a, quarterfinal aṭangin Suaka Cricket Ground, Sihhmuiah insawn tur niin final hi April 7-ah khelh tur a ni ang.