Manipur dinhmun ṭha lo

Santosh Trophy vawi 72-naah vawiin hian group B team te an inlan dawn. Point ruk hmu tawh West Bengal an awl ang a, Howrah Stadium-ah Kerala leh Manipur an inkhel ang a, Rabindra Sarobar Stadium-ah Maharashtra leh Chandigarh te an inkhel bawk ang.

Manipur hian an match hmasa berah West Bengal an hneh lo a, Chandigarh laka an goal khung an humhim zawh loh bawk avangin match hnih khelhah point khat chauh an hlawk chhuak a, an dinhmun a ṭha lo.

North East aiawh Manipur khingpui tur Kerala hian Chandigarh 5-1 in a sawp thung a, ISL club nei thei state pahnih Kerala leh West Bengal te hi group B inkhel tawhna aṭanga semifinal lut tura beisei an ni.

Maharashtra-in an match hmasa berah bul an ṭan chhelo a, amaherawhchu hun a tawp meuh chuan West Bengal lakah goal nga lawih an chhuah. Vawiin hi Maharashtra tan insiamṭhatna hun ṭha a ni a, Chandigarh laka an insiam ṭha thei lo a nih chuan semifinal beisei ngam chi a ni lo ang.