Vawiinah NBA Skills Challenge

Junior NBA Skills Challenge chu vawiin chawhma 8:00 aṭangin Hawla Indoor Stadium-ah neih a ni dawn.

Mizo naupang tana hun ṭha a ni tih hriain MBBA chuan kum 16 chin hnuai lam tawh phawt basketball lama tuite chu tel vek turin a sawm. Kum bithliah hi Under 16, Under 14 leh Under 12-ah te ṭhen hran a ni leh dawn a, kum la naupang deuh tan pawh beisei tur a awm vek.

Naupang ṭha thlanchhuahte hian New Delhi-ah All India Level Skills Challenge an hmachhawn leh ang a, an zinna senso hi tum sak vek tur a ni. Heta thlanchhuahte chu Scotland-ah a thlawnin an inzir ang.

Skills Challenge hi India national basketball coach hlui Scott Fleming-a hoa neih a ni dawn a, ani hi tunah hian senior director of basketball development operations, NBA India hna a chelh mek.

Kum 60 mi Fleming hi India basketball awm tawh zinga hlawhtling ber a ni a, 2014 FIBA Asia Cup-a India-in an khawtual ngeia China an hneh ṭuma coach kha a ni a. Basketball thiam ram America-ah pawh Fleming hian college level-ah vawi hnih national coach of the year ni thei a ni.