Kan ṭha ber lo - Alonso

Pathianni chawhma lamah Formula 1 tlan ṭan a ni tawh dawn a, Mc­Laren driver Fernando Alonso chuan team ṭha ber ni chunga inelna an hma­chhawn loh tur thu a sawi.

Barcelona-a test an neih ṭumin McLaren hi an che ṭha tawk lo. Honda kalsanin Renault engine an hman hnuah pawh beisei an la phak rih lo, champion tura rinkai zingah an tel phak meuh lo a ni.

World champion vawi hnih ni tawh Alonso chuan, "A nihna takah chuan Mercedes, Ferrari leh Red Bull te huangah kan awm rih lo. Mahse, hun rei vak lo chhungin anmahni elphakin hma kan sawn theih ka beisei," tiin a sawi.

Kum 36 mi Alonso hi season hmasa khan driver championship-ah 15-na a ni. Spanish driver hian 2014 khan Ferrari aṭangin McLaren a pan a, a season hmasa pathumah a la thleng sang lo hle; season hmasa pahnihah 17 leh 10-na a ni tawh bawk.