Matuidi-a'n coronavirus a kai

Juventus midfielder Blaise Matuidi chuan coronavirus-a kai tih hmuhchhuah a ni a, mahse French midfielder hi hlauhthawnawm dinhmunah erawh a ding hran lo. 

World Cup 2018-a France champion team zinga mi Matuidi hi March 11 aṭang khan a in khung hrang tawh a, Juventus chuan an player dinhmun hi a ṭhat thu an sawi.  Juventus centre back Daniele Rugani chu Serie A hmahruaitu club player zinga Covid-19 kai hmasa ber a ni a, hei hi kar hmasa khan hmuhchhuah a ni - tunah Matuidi chuan a kai tih hriat a ni ve leh ta. Italy hi Europe-a coronavirus-in a luhchilh nasat ber pawl an ni a, ramchhunga infiamna hrang hrangte chuan April 3- thleng chawlh an puang a ni.