Xhaka-a'n hri leng a kai

Arsenal midfielder Granit Xhaka chu Covid-19 a kai avangin Switzerland tan a inlan thei lo. Xhaka tel loin Swiss team hian friendly match an khel a, an khingpui Greece chu 2-1 in an hneh.

Kum 28 mi Xhaka hi nizan khan test nawn leh tur a ni dawn, tuna a lan dan chuan Swizerland hian Italy leh Northern Ireland nen World Cup qualifier an khelh hunah an captain hi an chhawr thei lo ang.

Swiss Football Asso-ciation chuan thuchhuah siamin, "Xhaka khan natna a nei a, a rang thei angin a room-ah dah hran nghal a ni," an ti a, player dang erawhin hri leng vangin harsatna an tawk rih lo tih an sawi bawk.

Switzerland hian Sep-tember 5, Pathianni zanah European champion Italy an hmachhawn dawn, chumi hnuah Northern Ireland hmachhawn turin Windsor Park-ah an lenglut zui leh ang. Xhaka hma hian player pali an inhnukdawk tawh a, result ṭha neih a harsa ang.

Xherdan Shaqiri, Mario Gavranovic, Loris Benito leh Breel Embolo te chu hliam vangin an lo inhnukdawk vek tawh a ni.