Hungary GP an pawtsei

Formula 1 Hungary Grand Prix chu kum 2027 thleng tlan a ni dawn, tun hma lama inremna an neih tawh sa chu tun hnaiah kum khat atan an pawtsei - an pawhsei chhan hi Covid-19 vang a ni.

Coronavirus vangin kuminah Hungary GP hi an ramah an tlan thei dawn lo; inelna hi Austria rama neih tur niin, tun season chhunga intlansiak pathumna tur a ni. A hmuna entu awm loin tlan tur a ni ang.

Hungary hian 1986 aṭang khan kumtin MotoGP hi a la thleng ziah a, team leh driver-te pawhin an hlut hle. Hungaroring Sport CEO Zsolt Gyulay chuan, "Kumina kan sum hloh hi engtin nge kan hmuh let theih ang tih kan ngaihtuah nasa hle.

"Liberty Media nen kan inbia a, season khat atana inremna pawhsei hi harsatna sutkian theih dan tur ṭha ber niah kan ngai," a ti. Kumina an sum hloh hi hun lo kal zel turah hmuh let theih an beisei a, chumi tur chuan hma an la.