Vanglaini Coronavirus Zirtirna

Coronavirus hi khawvel pum buaina a ni a, Mizoram pawh kan theih ang tawka kan fimkhur a ṭul a ni. Phai lama aṭanga Mizorama rawn hawte a bik takin kan fimkhur a ṭul a, ka infiammi puite pawh sorkar thu chhuak zawm turin ka ngen duh a che u. 

Kan chenna hmun kan thlen aṭanga ni 14 chhung chu inkhung hrang ila, kei pawh in khung hrang tura tih ka nih angin ka inkhung hrang mek. Infiammite hi mi nawlpui aia hrisel kan nih avangin 'window period' a zau leh zel a, dan kan zawm ṭhat hi a ṭul leh zual a ni.

Sorkar thuneitute thu chhuak ngaichang ila, mipui tithlabar zawngin thu chiang lo thawn darh lo ila. A pawimawh hmasa bera an sawi 'kut sil' uar ila, kan theihtawp chhuaha inven hi kan tihtur a ni. Chumi chungah chuan Pathian kuta kan innghah a pawimawh a ni.

- Jeje Lalpekhlua, India & Chennaiyin striker