Premier League Covid-19 dinhmun a zia zel

English top flight league-a coronavirus test hnuhnung berah positive an awm lo a, Premier League test thar lam berah hian mi 1,195 chuan test hi an hmachhawn. 

Premier League hian rei tak an chawlh hnua khelh chhunzawm leh an tum avangin Covid-19 test chu uluk takin an kalpui reng a, mi 6,247 zet chu test nei tawhin mi 13 chiahin Covid-19 an la kai a ni. 

June 17 zanah Premier League hi khelh ṭan a ni leh tawh dawn a, match hmasa berah tlak hlau Aston Villa chuan European football khelh tum Sheffield  United an mikhual ang. 

Premier League hian kartin vawi hnih test kalpui turin ruahmanna an nei a, league an khelh chhunzawm dawn avangin uluk thei ang berin venhimna lam hi buaipui a ni.