Sanchez a tel dawn

Alexis Sanchez chuan Manchester United tana a khelh ṭhat tawk loh avangin Chile-in zanina Sweden leh Denmark an khelh turah awl tum zet mah se a inngaihtuah ṭhat leh hnuah an ram team a zawm.

Arsenal forward hlui Sanchez chuan, "United tana a ka khelh hnuah thil engkim thlak nghal vek a harsa a, Sweden nena kan inkhelh turah pawh hian awl ka dil hman hial. Amaherawhchu Claudio Bravo nena kan inbiak hnuah ram tana khelh hi a ṭha zawk tih ka hria a ni," tiin a sawi.

Chilean forward chuan, "January thlaa ka vawi khat club thlakna a ni a, ka nunah thil thleng tam tak a awm nghal a, harsatna sut kian mai a awlsam lo a ni," tiin a club thlak hun chu harsatna a tawh chhan niin a sawi.

Kum 29 mi Alexis hian United tan match 10 a khel tawh a, February 3-a Huddersfield nen an inkhelh ṭum chauhin goal a la khung.

Vawiin Inkhel Tur
Peru 6:00 AM Croatia
Mexico 7:30 AM Iceland
Northern Ireland 7:30 PM Korea Republic
Qatar 9:30 PM Syria
Sweden 10:30 PM Chile
Israel 11:30 PM Romania
Togo 11:30 PM Ivory Coast
March 25, Pathianni
Kuwait 9:00 PM Cameroon
March 26, Thawhṭanni
Finland 9:30 PM Malta
Bulgaria 9:30 PM Kazakhstan
Albania 10:30 PM Norway
Portugal 12:00 AM Netherlands