HPC Cup champion Zobawk South

Lunglei DFA buatsaih HPC Cup final chu nimin khan Ṭhuamluaia Mualah khelh a ni a, Zobawk South an champion. Lunglei district huam chhunga veng/khua inelna final nimina khelhah Zobawk South hian 2-1 in Cherhlun an hneh a ni.

Zobawk South tan Jessy Vanlalmuana leh Isaac Lalruatpuia ten goal an khung a, Cherhlun tan Hallelui Zairemmawia'n minute hnih chauh a awm tawh tihin chhanglet mah se si phurh sut zo turin hunin a daih tawh lo.

Final Result
Zobawk South 2 - 1 Cherhlun
ZOB: Jessy Vanlalmuana 36'; Isaac Lalruatpuia 87'
CHE: Hallelui Zairemmawia 88'
Lawmman
Champion Zobawk South (Rs.1,00,000)
Runners Up Cherhlun (Rs. 50,000)
Semifinalist College Veng & Pukpui
*Semifinal-a chak lo zawk team pahnihin Rs. 10,000 ve ve an dawng.
Fair Play Pukpui (Rs. 3,000)
Mimal Lawmman
Top Scorer CS Rorelliana, Cherhlun (4 goals)
Best Player Elis Zothansanga, Cherhlun
Most Promising Lalthankhuma, Cherhlun