Pune City-in Almeida an lalut

Indian Super League (ISL) semifinalist zinga mi FC Pune City an bazar chhunzawm zel a, ISL cham­pion Chennaiyin FC tana khel right-back Kee­nan Almeida an lalut.

Goan defender hian season hman zawh takah beisei angin Chennai club-ah hmun a chang tam tawk lo a, Brighton & Hove Albion defender hlui Inigo Calderon a nek chhuak zo lo - tunah a chhuak ta pawh hi thil mak a ni lo.

Kum 26 mi defender hian Salgaocar-ah youth team hun chu a hmang a, hemi hnu hian Sporting Goa, Salgaocar leh Chur­chill Brothers tan a khel a, ISL lamah FC Goa tan season hnih ngawt a lo khel tawh bawk.

Pune club hian Al­meida hma hian East Bengal aṭangin winger Nikhil Poojari an lalut tawh a, tunah hian Benga­luru forward Alwyn George chu inbiak­na an neihpui mek.

Hetihlai hian Delhi Dyna­mos chuan Kerala Blas­ters aṭangin Siam Hang­hal an lalut a, an player neihsa Romeo Fernandes chu season khat dang atan contract an ziahpui bawk.