Miralem Pjanic a chhuak

Barcelona chuan an midfielder Miralem Pjanic chuan tun season chhung atan Beisktas lamah loan hmangin an kaltir a, club pahnih inrem dan chuan loan fee a awm dawn lo - Turkish club hian a hlawh hmun thuma ṭhena hmun khat an pe ang.

Catalan club hian 2020 khan beiseina sang tak nen Juventus aṭangin Pjanic hi an la lut. Mahse, Bosnia international hian an beisei angin a khel chhuak lo, La Liga bikah phei chuan match 19 chiah an chhawr - hliamin a tlak buak avangin hun ṭha a nei tlem bawk.

Kum 31 mi Pjanic hma hian tun nipui bazar chhungin Lionel Messi leh Antoine Griezmann te an chhuak tawh a, an player hlawh hnem ṭhenkhat chuan hlawh an ti hniam bawk, sum lama talbuai Barca hi eng ang takin nge an insiamrem dawn hriatthiam a harsa rih hle.