Lukaku-a'n goal a khung

Belgium-in Ningani zan khan A. Le Coq Arena-ah mual neitu Estonia chu 5-2 in an sawp a, Chelsea striker Romelu Lukaku-a'n goal hnih a khung.

Red Devils tan hian Lukaku bakah Hans Vanaken, Axel Witsel leh Thomas Foket ten goal khat ṭheuh an khung ve bawk. Belgium hi World Cup qualifier group E-ah point 10 hmuin hmahruaitu an ni a, Pathianni zan dar 12:15 hian an hnuai chiaha awm Czech Republic (7 pts) an mikhual ang.

Czech Republic hian Antonin Barak goal hmangin Belarus 1-0 in an hneh a, Belgium an hneh leh thei a nih chuan group hmahruaitu an ni thei ang.