Suarez = 50 Not Out

Luis Suarez chuan Uruguay tana a goal 50-na khungin Czech Republic lakah 2-0 in an ram team hnehna a chanpui a, China Cup final-a Wales hmachhawn turin an inpet tling.

Barcelona forward hi inkhel ṭan aṭanga minute 10-na lekah goalkeeper Jiri Pavlenka chuan a ti thlu a, Suarez hian ama penalty hlawhchhuah hi chhuih lutin ram tana goal khung hnem ber a nihna chu a belh zel.

Uruguay tan hian Edinson Cavani chuan 'acrobatic bicycle kick' hmangin goal khat a khung ve bawk a, Paris Saint-Germain forward tan ram tana a goal 41-na ni ve bawkin Uruguay tana goal khung tam lamah Suarez chiah a tluk lo.

China Cup final hi vawiin tlai dar 5:05-ah khelh a ni dawn a, Wales hian final lut turin a thlengtu China chu 6-0 in an sawp a, vawiin chawhnu dar 1:05-ah China leh Czech Republic chuan pathumna an inchuh ang.