Mizoram Table Tennis champion Alberto

Mizoram State Table Tennis Championship chu Inrinni khan khelh zawh a ni a, mipa singles-ah Alberto LR Ruata chu a vawi hnih nan a champion a, H. Lalruatsanga chuan sub junior leh cadet boys-ah gold medal a la ve bawk.

Mizoram Table Tennis Association hnuaia inelna lian leh ngaihhlut ber hi MTTA Hall, Mission Vengah neih niin; Petroleum Sports Promotion Board (PSPB) zirlai Alberto hian men's singles leh youth boy's inelna huangah final a lut a, inelna pahnihah hian John Zamliana chu 4-0 ve ve a hnehin gold pahnih a dawng.

Inelna hi MTTA season kharna niin, Isaac C. Lalsawmliana leh Lalthansangi Sailo te chuan number 1 ni chungin kum an khar. A pumpuiah Techmaze chuan gold pasarih leh bronze pariat laiin a vawi khat nan an champion.