Sancho a inhnukdawk

Manchester United winger Jadon Sancho chu inhliam tenau vangin England squad aṭangin a inhnukdawk. Kum 21 mi hi nizana Three Lions leh Andorra inkhel bakah Nilaini zana Poland nen an inkhelh turah a tel thei dawn lo.

England thuchhuak ang chuan Sancho hi a hliam nat loh avangin September 11, Inrinnia Manchester United leh Newcastle United te inkhelh hunah a inlan theih beisei a ni.

Sancho hian tun nipui bazarah khan pound maktaduai 73-in Borussia Dortmund aṭangin Old Trafford hi a pan. International break hma khan Man United-in Wolves 1-0 a an hneh ṭumin English winger hian a vawi khat nan a club thar tan bul a ṭan a, a che ṭha tawk lo.

Manchester City academy aṭanga inzir chhuak Sancho hian England tan match 22-ah goal thum a khung a, Three Lions tana a inlan hnuhnun ber chu Euro 2020 final kha niin penalty a hlah.