Falacao-a'n Rayo Vallecano a zawm

Colombia striker Radamel Falcao chuan Nilaini khan Galatasaray a chhuahsan a, Inrinni khan La Liga club Rayo Vallecano a zawm.

Kum 35 mi Falcao hian La Liga-ah season hnih khelin Atletico Madrid tan hming a lo chher tawh hle. Colombian striker hian Spanish league-ah match 68 khelin goal 52 a khung.

River Plate aṭanga lar chhuak Falcao hi Porto, Atletico Madrid, Monaco, Manchester United, Chelsea leh Galatasaray-ah te a khel kual tawh a, a vanglaia striker ṭha ber zinga mi a ni pha.

Falcao hi tunah chuan a vanglai a pel ve tawh a, a club zawm Rayo Vallecano hi Segunda Division aṭanga La Liga-a inpetkai hlim an ni.