Sania Mirza-te an chak lo

Indian tennis khel thiam Sania Mirza leh a ṭanpui Rajeev Ram te chuan US Open-ah beisei an phak lo. Mixed doubles-a an match hmasa berah Dayana Yastremska leh Max Purcell te ṭangdun hnehin an zin kawng a tawp nghal.

Inrinnia inkhelah Sania te hi 3-6, 6-3, 7-10 in an chak lo, set thum khel mah se match rei zawng hi darkar khat leh minute khat chiah a ni a, an khingpui service chhuhsak theihna remchang vawi thum an hmuh zinga vawi khat chiah an chhawr ṭangkai thei a ni.

India player zingah Rohan Bopanna a la dam. Bopanna leh a ṭanpui Ivan Dodig te chuan mipa doubles huangah Hugo Nys leh Arthur Rinderknech te ṭangdun chu 6-3, 4-6, 6-4 in an hneh.