Transfermarkt tehna aṭangin England team an hlu ber

Football website Transfer-market tehna aṭang chuan England chu football khel ram zinga hlu ber a ni. Transfermarkt hian football khel ram hlu 100 a ti chhuak a, England hnuaiah hian France, Brazil, Italy, Germany, Portugal, Spain, Argentina, Netherlands leh Belgium te an awm.

Asia ram zingah South Korea chu team hlu ber an ni a, 34-naah an awm pha chauh. Ram 100 thlan chhuah zingah Asia ram pakua chauh an lang a, chungte chu South Korea bakah Japan, Iran, Australia, Saudi Arabia, Uzbekistan, China, United Arab Emirates, Qatar leh Iraq te an ni. Hetihlai hian Europe chuan ram 46 zet an tawh thung.