Match 100 khel thei Lukaku

Romelu Lukaku chuan Belgium tan match 100 a khel tling ta. Pathianni zan khan Red Devils-in Czech Republic 3-0 in an sawp a, Chelsea striker hian goal hmahruai a khung.

King Baudouin Stadium, Brussels-ah hian Lukaku-a'n minute riatna lekah a khung a, Eden Hazard (41') leh Alexis Saelemaekers (65') ten an khung belh.

Belgium tan hian Jan Vertonghen, Axel Witsel, Toby Alderweireld, Eden Hazard leh Dries Mertens ten match 100 an khel tawh a, Lukaku hi parukna ni mah se ram tan goal 67 khung tawhin goal khung tam ber a ni thung.

Chelsea-in pound maktaduai 97.5-a an lakluh Lukaku hi hrem vangin Nilaini zana Belarus nen an inkhelh hunah a inlan thei dawn lo. Belgian striker hi London-a a let hmain a malpui hliam endik a ni dawn a, kartawpa Aston Villa nen an inkhelh hunah a dinhmun a chiang lo.