New Zealand a chak ve ta

T20 series khela Bangladesh-a cham mek New Zealand-in hnehna a chang ve ta a, Pathianni khan 52 runs-in mualneitu an hneh. Match hmasa pahniha hnehna changtu Tigers-in 2-1 in hma an la hruai a, match lina hi September 8, Nilaini tlai dar 3:30-ah an khel leh ang.

Sher-e-Bangla-a inkhelah New Zealand-in vuak hmasak an thlang a, Henry Nicholls leh Tom Blundell ten thi loa 36 runs leh 30 runs an siam zarah 128/5 runs an siam.

Bangladesh hian match hnihnaah 141 runs siam thei mah se match thumnaah erawh New Zealand bowler-te an dingchang ta zawk. Ajaz Patel chuan over liah wicket li lain 16 runs chauh a pe a, Bangladesh hian 76 runs chauh siamin an thi fai vek.