Spain-in Georgia an sawp

Spain-in Sweden an hneh loh hnuah an insiamṭha nghal a, Pathianni zan khan Georgia 4-0 in an sawp. Estadio Nuevo Vivero-a inkhelah Jose Gaya, Carlos Soler, Ferran Torres leh Pablo Sarabia ten goal khat ṭheuh an khung.

La Roja hi group B-ah match nga khelin point 10 an hmu a, group hmaruaitu ni mah se an hnuai chiaha awm Sweden aiin point khat chauhin an hmu tam. Victor Lindelof-a captain-na hnuaia khel Sweden hian match hnihin an khel tlem zawk.

Spain hian September 9, Nilaini zanah Kosovo an hmachhawn dawn a, Sweden hian Greece an hmachhawn thung dawn.

Group B-ah hian team nga an awm avangin team khat an awl zel a, Sweden hian friendly match khel thungin Uzbekistan 2-1 in an hneh a ni.