Covid-19 lakah Man United an fimkhur

Manchester United chuan tun Inrinnia Newcastle United an hmachhawn hun aṭangin inkhel entute Covid-19 lakah an fihlim em, tih an endik ṭan dawn.

Old Trafford lut turin Covid-19 negative certificate leh vaccine an la tih finfiahna certificate hi tun dinhmunah neih ngei ngei tur a la ni lo a, amaherawhchu October 1 aṭang chuan neih ngei a ṭul tawh ang.

Kum 18 leh a chung lamte chu vaccine double dose an lak ngei a ṭul dawn a, inkhelh hma darkar 48 chhunga PCR test negative certificate a ngai dawn bawk a ni.

Manchester United chuan, "October 1 hnu lamah chuan puipunna lian tham kal turin sorkarin Covid-19 negative certificate a phut ngei a rinawm. Premier League dan zawm chungin Old Trafford-a Manchester United inkhel zawng zawngah hman chhoh a ni ang," tiin thuchhuah an siam.

Brighton, Chelsea leh Tottenham te chuan an stadium-a inkhel en turte lak aṭangin Covid-19 negative certificate leh vaccine an la tih finfiahna certificate an phut daih tawh a ni.