Salernitana-in Ribery an tlangzarh

Serie A kai thar Salernitana chuan Franck Ribery an lalut a, Italian club hian Thawhṭanni khan Bayern Munich legend Ribery hi an tlangzarh.

Kum 38 mi Ribery hian season 12 chhung Bayern Munich tana a khelh hnuin kum 2019 khan Fiorentina a zawm a, season hnih chhungin league match 50 a la khelhsak.

French winger hi season liam ta tawp rualin a contract a zo a, club nei loa a awm avangin Bayern training-na hmun chu insawizawi nan a hmang.

Bayern tana Bundesliga nomawi vawi kua leh Champions League nomawi chawi tawh veteran winger hi Serie A club Salernitana hian kum khat atan contract an ziahpui a ni.