UEFA-in World Cup kalphung thar rawtna duh lo

UEFA president Alek-sander Ceferin chuan kum hnih dana World Cup neih ṭha a tih loh thu a sawi chhuak a, inelna hlutna a tlakhniam phah a hlauh thu a sawi bawk.

May thla khan Saudi Arabian Football Federation chuan FIFA-ah kum hnih dana World Cup neih rawtna an thlen a, khawvel football thuneitu sang ber chuan Arsenal manager hlui Arsene Wenger kaihruainain zirchianna a nei mek.

September 6 khan European Clubs' Asso-ciation (ECA) chuan Geneva-ah ni hnih awh tur general assembly an ṭan. Club 160 aiawh hmaah Ceferin chuan, "Kum hnih dana World Cup neih hi chu a kahpah mah mah dawn a, World Cup hlutna nasa takin a tlahniam bawk ang," tiin a sawi.

Mipa inelna World Cup hi kum 1930 aṭangin neih ṭan a ni a, indopui pahnihna vangin kum 1942 leh 1946-ah neih a ni lo. Hmeichhe World Cup pawh kum li danah neih ṭhin a ni a, kum 1991 aṭanga ṭan a ni thung.