Inter District Boxing-ah Champhai an che ṭha

15th Inter District Boxing Championship chu March 20-23 chhung khan Boxing Hall, Ramhlunah neih a ni. Senior leh Junior inelnaah Champhai an champion a, Sub Junior inelnaah Aizawl an champion bawk.

Inelnaah hian district pariat an tel vek a, boxer 99 an tel a ni. Weight category pakhatah hian district pakhat aṭangin boxer pakhat bak tel phal a ni lo.

Champhai boxer Lallawmawma chu mipa best boxer-ah thlan a ni a, hmeichhe boxer ṭha ber chu Aizawl boxer Lalrohlui a ni. Most promising boxer-ah Siaha rawlthar LH Beihleisa chu thlan a ni a, hmeichhe lamah Lawngtlai tleirawl K. Lalramdinthari thlan a ni bawk.