SYS leh SAI an champion

Mizoram Weightlif­ting Association buat­saih Senior State Level Weightlifting Cham­pion­ship vawi 16-na chu, March 22-23 chhung khan Weightlifting Hall, Ramhlun Sports Complex-ah neih a ni. Mipa inelnaah Sports & Youth Services (SYS) an champion a, hmei­chhe huangah Sports Authority of India (SAI) an chungnung ber bawk.

Inelnaah hian club paruk aṭangin infiammi 70 an tel a, an zinga 40 chu mipa an ni. Mizoram Weightlifting Academy player Silvana chu Best Lifter niin, hmeichhe lam­ah chuan Ruthi Solo (SAI) thlan a ni thung.

All India Weightlifting Federation leh Army Sports Institute Pune pawh­in he hun hi hman­puiin, rit chawi chak mi pali chu Academy a training zui thei turin an thlang chhuak.

Mizoram Weightlif­ting-in hma an sawn chho zel a, April thla tira neih tur XXI Commonwealth Games-ah Lalchhanhimi chu 90kg huangah a inlan dawn. Hemi bakah Asian Youth leh Junior, Youth Olympic Games Qualification Event-ah Jeremy Lalrinnunga (56kg) leh Jacob Vanlal­tluanga (62kg) ten Urgench, Uzbe­kistan-a in­lan thei turin India camp-ah an awm mek.