Lewandowski hralh kan tum lo - Rummenigge

Bayern Munich chairman Karl-Heinz Rummenigge chuan Real Madrid nena sawi zawm Robert Lewandowski hralh an tum loh thu a sawi.

Kum 29 mi Lewan­dowski hian tun season-ah goal 32 a khung tawh a, Polish striker hian agent Pini Zahavi chu a hmang thar a, hei vang hian chhuak tura sawi hi a ri ring lehzual.

Rummenigge chuan, "Hetiang thawm a awm hi chuan kum 2008 kha min hriat chhuahtir ṭhin. Chelsea aṭangin Franck Ribery lakchhuah tumin sum tam tham tak kan an rawn tawktarh a. Keini chuan Bayern Munich-in player chhuak tura a tih loh chu a chhuahtir dawn lo tih khawvel hriata pholan nan kan hmang," tiin German club chu an player duhlai chelh turin an len ve tawk thu a sawi.

Bayern chairman chuan sawi chhunzawmin, "Ka thlirna aṭang chuan Robert hi season tharah pawh 100% in Bayern tan a la khel ang," tiin Polish striker hralh an tum loh thu a sawi.

Rummenigge hian tun hnaia Ribery leh Arjen Robben te thlak nana Bor­deaux winger Malcom lakluh an tum anga sawi awm chu thu belhchian dawl loh a nih thu a sawi bawk.