Zaninah MSL khel tur hriat dawn

Mizoram Super League khel tur zawnna MSL5 Qualifying chu Thawhṭanni zan aṭang khan Hawla Indoor Stadium-ah khelh ṭan a ni a, zanin hian Zarkawt Serpents leh BC Bethlehem ten match hnuhnung ber an khel ang.

Aizawl District Basketball Association champion Zarkawt Serpents chuan match hmasa berah Kolasib Timeout chu 68-45 in an sawp. Nizan khan BC Bethlehem leh Kolasib club te hi an inkhel leh a, result kan hre hman lo.

MSL5 Qualifying-a pakhatna hian season tharah Mizoram inelna sang ber khel turin an tling nghal ang a, pahnihna hian Republic VR4 nen playoff hmangin MSL khel tur an zawng leh ang.

Serpents hian MSL an khelh lai aṭanga an neih tawh Sahil Sharma an kawl a, BC Bethlehem hian VR4 tan pawha khel tawh American guard Bryan an kawl ve bawk.

ADBBA hnuai inelnaah Serpents-in hnehna an chang a, BC Bethlehem tan zanin hi phuba lakna hun ṭha a ni thei ang. Zanin inkhel hi awlsam taka MSL khelh theihna a ni a, a chak lo zawk tan kawng a awlsam dawn lo.